رواية فريدة الفصل الرابع 4 بقلم هاجر عفيفي
البارت الرابع
ريان بغضب : ايه ال جابك هنا ياروان
روان بعصبيه : خايف على شعور الهانم مش دي ال خدتك مني برضوا
فريده بدموع : روان اسمعيني
روان بغضب : انتي تسكتي خالص انا عايزه اعرف هو ازاى وافق يتجوز عاميه زيك
ريان بغضب شديد : اخررررسي واطلعي بره
روان بصدمه : بتطردني علشان دي ياريان
ريان بغضب : ال بتتكلمي عنها دي مراتي يعني كرامتها من كرامتي معني انك هنتيها كأنك هنتينى
روان بغضب : قووول كده بقا دخلت عليك بالشويتين بتوعها وخليتك تكر"هني نسيت لما كنت بتجرى ورايا ياريان ماشى يافريده والله ماهسيبك علشان اخدتيه مني وانت ياريان لو مجتش اتقدمتلى فى أسرع وقت انا عند كلامي مفهوم
قالت كلامها وخرجت من البيت بغضب
ريان كان مصدوم منها عمره ماشاف روان بالحقد ده
فريده بدموع : ا انا اسفه والله
قاطعها ريان بحنان : انا ال اسف على ال هي قالته والله حقك عليا انا
فريده : انا السبب انك تعمل مشاكل معاها صدقني مكانش لازم تعمل كده
ريان بضيق من كلامها : فريده لو انتي مش شيفاني راجل قولى كده انا حبي ليها مش هيكون على حساب كرامتي وبعدين انتي بنت عمتي أولا ومراتي يعني مظنش هسكت لما اشوفها بتكلمك كده
فريده حطت أيدها على وشه وقالت : بجد شكرا ليك أنك دافعت عني
ريان اتنهد وقال : مش يلا نتغدا بقا ولا غيرتي رأيك تانى
فريده بابتسامه : لاء مغيرتش
ريان مسك أيدها سندها وراحوا يجهزوا الأكل مع بعض
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
روان بغضب: شوفتي ياماما انا يطردني علشانها شوفتي
ثريا : ماهو ده الطبيعي ياختي مش اتجوزها لازم يعمل قدامها راجل وشهد وبيدافع عنها
روان : بس ده كان بيتكلم معايا وحش جدا وكمان زعقلى ال معندوش دم ال مسيرتي عليه الفلوس ال على قلبه هو وأبوه
ثريا : بيحبك يابت وواقع فيكي خليكي بس انتي وراه علشان الفلوس قبل ماهي تخليه يكتبلها كل حاجه وانتي تطلعي منها كده
روان بغيظ : دي مسهوكه وتعملها
ثريا : عملتي ال قولتلك عليه
روان : أيوه قولت لكريم وقالي هساعدك
ثريا : تمام
روان : بس لو اتجوزت ريان هخلع منه ازاى بعد كده
ثريا بخبث : هي المحاكم خلصت وقتها هنجيبلك حقك من عينه
روان : صح ياماما عندك حق
ثريا : اسمعي كلامي ومش هتخسرى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
عبد الحميد : قولتي ايه ياوفاء
وفاء بقلق : بس دي مش هتكون غلط عليها ياعبد الحميد انت عارف فريده اصلا بتخاف وكمان ممكن ترفض
عبد الحميد : متخافيش ياوفاء دي بنتي قبل ماتكون بنت اختي اكيد مش هأذيها دكتوره عيون كبيره هتيجي من بره وهتعملها العمليه كلها وأن شاء الله تعدي على خير
وفاء : ياريت بس توافق والعمليه تنجح انت عارف فريده حاسه بالذنب قد ايه من ناحية ريان ابنك وكل شويه تقولى هو مجبور عليا و
قاطعها عبد الحميد : انا عارف ابني ياوفاء هو لو مش عايز يعمل حاجه مستحيل يعملها لما اتجوز فريده كان برغبته يمكن انا ضغطت عليه بس ريان معترضش فهمتي وكل حاجه كانت بسرعه سبيهم للقدر والنصيب
وفاء بحزن : ربنا يصلح ليهم الحال يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ريان بإحراج : هو أنا ممكن أسألك سؤال بس لو مش عايزه تجاوبى خلاص
فريده بهدوء : اتفضل
ريان : الحاد"ثه حصلت ازاى
فريده بتنهيده : انا بطبيعتي بخاف اعدي الطريق ولما بعدي بكون عايزه ال يكون جمبي أخر مره كانت روان معايا وبتعدي كانت فى عربيه جايه بسرعه كبيره اوى انا محستش بحاجه غير أن روان سابت ايدي وجريت وانا العربيه خب"تطني ومن وقتها وانا نظرى ضاع ومن وقتها روان اتغيرت معايا بكل المقاييس ويمكن قطعت معايا خالص
ريان بشك : وهي سابتك قصد ولا لاء
فريده : الله أعلم معرفش انا مدخلتش جوه نيتها
ريان غضب بسبب ال عملته روان وشك أن روان هي ال عملت كده فيها بالقصد
فريده : مالك ؟؟
ريان : لاء مفيش مفكرتيش تعملى عمليه ؟؟
فريده : الدكتور قالي أن الموضوع هيكون خطر عليا وانا الصراحه خايفه
ريان : بس ممكن نحاول ليه لاء
فريده قامت وقفت وقالت : للأسف نصيبي كده انا هدخل انام علشان تعبت خالص تصبح على خير
فريده دخلت الأوضه وكان تلفونها جنب ريان وفجأه رن وشاف رقم غريب رد على التلفون
الشخص : فريده برن عليكي من الصبح مردتيش ليه جوزك نام ولا لسه
ريان بصدمه : انت مين
التلفون أتقفل والخط قطع
يتبع
#فريده
#هاجر_العفيفى
دمتم بخير
يتبع
